InicioSucesosDetido un home en Vigo tras morderlle un dedo á súa muller

Detido un home en Vigo tras morderlle un dedo á súa muller

O home está acusado dun delito de violencia de xénero.

PUBLICADO O

- Advertisement -

Axentes da Policía Local de Vigo detiveron por un delito de violencia de xénero a un home de 62 anos que supostamente se abalanzou sobre a súa esposa, da que está en proceso de divorcio, e a mordeu no dedo índice da man dereita. Segundo informou a Policía Local, os feitos ocorreron sobre as 23,45 horas deste martes, cando un particular alertou dun posible episodio de violencia de xénero na rúa Naia.

Unha vez no lugar, un home manifestou aos axentes que minutos antes fora agredido por un individuo que acompaña á súa muller, da que se atopa en trámites de divorcio. O home estaba a chorar e os axentes comprobaron que tiña a camisa rota, aínda que non presentaba lesións.

Os efectivos acudiron entón ao domicilio da súa esposa, quen se atopaba chorando e nerviosa. A muller indicou que pouco antes chegara á súa casa acompañada doutra persoa e, nun momento dado, foi abordada polo seu aínda marido, que iniciou unha discusión e abalanzouse sobre ela “con intención de agredila”.

Ela alzou os brazos para defenderse, momento no que el lle mordeu o dedo índice da man dereita. A muller tamén asegurou que non era a primeira vez que se producía un episodio de agresión, polo que decidiu iniciar os trámites de divorcio. Por todos estes feitos, os axentes procederon á detención do marido, natural de Mos e de iniciais L. D. R., como presunto autor dun delito de violencia de xénero.

ÚLTIMAS

“Non permitiremos un réxime do medo”, sindicatos e movementos sociais condenan o ataque á sede de UGT de Vigo

Sindicatos, movementos sociais e partidos políticos de esquerda volveron condenar este mércores o ataque...

O cidadán “exemplar” de Vigo: entrega á Policía 400 euros que atopou no caixeiro

Un cidadán entregou á Policía Nacional 400 euros que atopara na rañura dun caixeiro...

O RC Celta de Vigo multado con 5.000 euros por vender alcol nos palcos VIP

A Comisión Permanente da Comisión Estatal contra a Violencia, o Racismo, a Xenofobia e...

Unha vivenda de 60.000 euros do condenado polo narcosubmarino para facer fronte a 25 millóns de mula

A Audiencia Provincial de Pontevedra sacou a poxa a vivenda de E.C.S.G, un dos...