InicioEconomíaO Goberno de Vigo incorpora outros 13 millóns de remanentes para varias...

O Goberno de Vigo incorpora outros 13 millóns de remanentes para varias actuacións, entre elas o ascensor ‘Halo’

O elevador conectará García Barbón co centro Vialia. Tamén se inclúen nesa partida o novo paseo de Bouzas e a segunda fase das ramplas mecánicas da Gran Vía, entre outras actuacións.

PUBLICADO O

- Advertisement -

O goberno municipal de Vigo incorporará outros 13 millóns de euros de remanentes para acometer unha decena de actuacións, entre elas o denominado proxecto ‘Halo’, un ascensor que conectará García Barbón co centro Vialia e que inclúe unha zona circular de paseo-miradoiro elevado a máis de 40 metros.

Segundo explicou o alcalde da cidade, Abel Caballero, estes 13 millóns de euros de remanentes investiranse, por unha banda, no pago da primeira fase de construción dese ascensor (3 millóns dun total de 7,5 que custará a obra); no novo paseo de Bouzas (3,7 millóns); ou na segunda fase das ramplas mecánicas da Gran Vía (4,6 millóns).

Así mesmo, con cargo a eses remanentes, asignaranse 737.000 euros á humanización da estrada de Porto; 465.000 euros ao pavillón de Quirós; 125.000 euros á construción dun local nos baixos do Estadio de Balaídos para a Federación de Peñas do Celta e para a oficina de obxectos perdidos da Policía Local; e 55.000 euros á reparación de filtracións na planta baixa do Concello.

O resto de investimentos serán para a demolición do antigo restaurante Camaleón, no paseo de Samil (160.000 euros); a reforma do campo de fútbol da Guía (155.000 euros); e a reforma do campo de Fragoselo (95.000 euros).

Estes 13 millóns de investimento con cargo a remanentes súmanse aos case 36 millóns aprobados o ano pasado e, segundo explicou o alcalde, hai outros 60,2 millóns do orzamento do anterior exercicio que “se pasan” para 2021. Deste xeito, recalcou Caballero, a cidade terá proxectos en marcha por valor duns 109 millóns de euros procedentes deses ‘aforros’, “o investimento máis importante de ningunha cidade de Europa, en proporción á poboación”.

ÚLTIMAS

“O sábado foi un día histórico en Vigo”, di Caballero

O alcalde de Vigo, Abel Caballero, asegurou este luns que a ocupación hoteleira na...

Abanca estrea as súas novas instalacións corporativas en Vigo cun investimento que supera os 25 millóns de euros

Abanca estreou este luns, 16 de novembro, as súas novas instalacións corporativas en Vigo,...

O Nadal de Vigo publicitarase en Londres, París, Nova York e Lisboa

O Concello de Vigo despregou a súa habitual campaña publicitaria a través de mupis...

Protestan ante o Concello de Vigo para pedir alternativas habitacións para persoas sen fogar que estaban na Acampada

Decenas de persoas protestaron na mañá deste luns ante as portas do Concello de...