A Dirección Xeral de Patrimonio Cultural da Xunta autorizou o desmonte do edificio situado na rúa Arenal, 34, concretamente o inmoble en ruínas cuxa fachada se derrubou a principios do mes de febreiro en Vigo.

Así o comunicou a delegada territorial da Xunta, Marta Fernández-Tapias, que indicou que con esta resolución dáse o visto e prace á solicitude presentada pola propietaria do inmoble para a modificación da autorización do pasado mes de maio, de forma que poderá “proceder á demolición da edificación declarada en ruínas”.

Ademais, poderá desmontar aqueles elementos de pedra das medianeiras e da fachada que non garantan a seguridade dos viandantes, traballadores e construcións lindeiras. En todo caso, advirte que se deberá garantir a súa posterior reposición na rehabilitación do edificio, mediante a numeración das pedras e a súa provisión no solar.

A raíz do derrubamento de parte do edificio o pasado 11 de febreiro, o Goberno vigués e o Partido Popular cruzaron acusacións acerca da data na que a Xunta autorizou a demolición do edificio, así como sobre a responsabilidade sobre a caída da fachada.