InicioEconomíaUnha empresa de Vigo patenta unha tecnoloxía para facer cremas con ozono

Unha empresa de Vigo patenta unha tecnoloxía para facer cremas con ozono

O proxecto chega á súa fin tras 5 anos de longo traballo.

PUBLICADO O

- Advertisement -

A cidade de Vigo conta dende este venres cunha empresa pioneira máis entre o seu tecido industrial. A compañía Keybiological, con sede na cidade olívica, vén de anunciar que está a piques de conseguir a patente para unha solución de “aceite de ozono”: unha crema que, dende este momento, pode xa saír ao mercado.

Segundo explican dende a empresa, o aceite de ozono vén de ser tramitado –e adminitido– pola Oficina Española de Patentes e Marcas (OEPM), polo cal en pouco tempo contará cunha protección especial da súa propiedade intelectual. Pero, de que se trata exactamente o aceite de ozono? Segundo apuntan dende a compañía, é unha solución que mestura aceites de distinta clase aos que lles engaden ese composto cun obxectivo: mellorar as súas propiedades antisépticas.

E é que o aceite de ozono que vén de desenvolver esta compañía consiste nunha sorte de “materia prima” –din dende a empresa– que servirá para dar pasos adiante en distintos eidos produtivos. Aínda que ningunha porta está pechada polo momento, os creadores consideran que podería contar con aplicacións proveitosas en sectores como o cosmético polas súas propiedades en “hidratación profunda e rexeneración celular”.

Outro dos eidos a ter en conta, destacan, serían o farmacéutico; xa que o composto de ozono permitiría avanzar na loita contra o a acné ou outro tipo de enfermidades polo seu efecto antiséptico sobre a pel. A compañía chega a este momento culminante logo de 5 anos de longo traballo nos que houbo que controlar parámetros extremadamente concretos como a “humidade relativa e a temperatura” dos procesos.

ÚLTIMAS

“O sábado foi un día histórico en Vigo”, di Caballero

O alcalde de Vigo, Abel Caballero, asegurou este luns que a ocupación hoteleira na...

Abanca estrea as súas novas instalacións corporativas en Vigo cun investimento que supera os 25 millóns de euros

Abanca estreou este luns, 16 de novembro, as súas novas instalacións corporativas en Vigo,...

O Nadal de Vigo publicitarase en Londres, París, Nova York e Lisboa

O Concello de Vigo despregou a súa habitual campaña publicitaria a través de mupis...

Protestan ante o Concello de Vigo para pedir alternativas habitacións para persoas sen fogar que estaban na Acampada

Decenas de persoas protestaron na mañá deste luns ante as portas do Concello de...