A área de Vigo rexistra uns 731 contaxios en centros de ensino, que obrigan a manter 61 aulas e 1 centro pechados. Entre eles, o CPI da Cañiza con 23 positivos e dúas aulas pechadas, o CEP Altamira en Salceda de Caselas con 24 casos e unha aula pechada ou o IES San Paio de Tui, con 18 positivos. Tamén se rexistrou un caso novo no Infantil Cáritas-Tui.

Ante o novo balance de casos, a Consellería de Educación valorou que se empeza a observar unha moderación na subida de positivos en comparación, sobre todo ao comparar o total de casos diarios respecto das cifras da pasada semana. Neste sentido, as autoridades educativas e sanitarias permanecerán á espera de ver se se consolida esa tendencia cara á moderación en próximas datas.