Axentes da Policía Local de Vigo detiveron a un veciño da cidade, L.M.V., de 37 anos de idade, como presunto autor dun roubo con forza, tras ser sorprendido no interior dun vehículo, que forzara, para apoderarse de diversos efectos. Segundo informaron fontes policiais, os feitos tiveron lugar á primeira hora da mañá deste martes, cando unha patrulla que se atopaba rúa do Marqués de Valladares foi abordada por un cidadán.

Este home explicou aos axentes que se dirixiu a recoller o seu coche, estacionado na rúa, para ir a traballar, e atopou unha persoa no seu interior, a pesar de que deixara o vehículo pechado. Os policías desprazáronse ao lugar rapidamente e comprobaron que, dentro do coche, había unha persoa e que o interior estaba revolto.

Os axentes identificaron o sospeitoso, que foi identificado cun numersos obxectos sustraídos do vehículo, entre eles un teléfono móbil e un reprodutor de son que pertencían ao dono do vehículo. A patrulla de Policía Local procedeu nese momento á detención do suxeito, sen que trascenderan as circunstancias e condicións deste proceso.