A circulación na AP-9 na contorna de Vigo quedou restablecida tras o corte dun carril en sentido norte, cara a Pontevedra, provocado por un camión que envorcou na zona da Madroa.

Así o confirmaron a Europa Press fontes da Dirección Xeral de Tráfico (DXT), que indicaron que os coches xa circulan pola autoestrada “con normalidade” despois das retencións producidas tras o accidente.

O sinistro ocorreu pasado o mediodía no punto quilométrico 152 da AP-9 en sentido ascendente, polo que os coches son desviados pola saída 159 desta vía.

Ademais, este suceso orixinou atascos na circulación na contorna da cidade olívica non só nesta autoestrada, senón tamén na A-55, debido a que está cortada a conexión entre ambas.

O condutor do camión accidentado puido saír do vehículo polos seus propios medios, despois disto foi evacuado ao centro hospitalario de referencia, segundo confirman ao 112 os bombeiros de Vigo. En canto á carga do tráiler, apenas sufriu danos.