Un home foi detido na noite de sábado a domingo tras saltarse un control policial, incumprir o toque de queda e resistirse ás autoridades, no concello de Tui.

En concreto, tratábase dun control da Policía Local de Tui para verificar o cumprimento das restricións de mobilidade durante a noite.

O detido circulaba co seu vehículo sobre as 23,50 horas, incumprindo o horario establecido, e saltouse o alto dado polos axentes que se atopaban no control.

O vehículo foi interceptado a uns 500 metros despois. O condutor negouse a someterse á proba de alcoholemia e resistiuse aos axentes alí dispostos, e un deles resultou ferido.

Finalmente, foi detido por desobediencia e resistencia á autoridade.