O Consorcio Casco Vello de Vigo aprobou o Plan de actuacións, investimentos e financiamento para 2021, cuxo orzamento supera os 4 millóns de euros.

Segundo trasladaron a Presidencia do Consorcio, que corresponde á Xunta, nunha sesión celebrada este luns, acordouse iniciar o plan de actuacións e requirir ao goberno local vigués “o exercicio das potestades urbanísticas necesarias” para a execución do mesmo. Do mesmo xeito, resolveuse demandar ás administracións consorciadas os recursos necesarios para a execución do devandito plan.

En concreto, o consorcio está participado pola Xunta e o Concello de Vigo e presidido pola delegada territorial da Administración autonómica na cidade, Marta Fernández Tapias.

Precisamente, Fernández Tapias lembrou recentemente que a marxe de actuación da entidade atópase limitado pola imposibilidade de adquirir varios inmobles situados na zona alta do centro histórico. Por iso, reclamou de novo a colaboración do Concello, ao que pediu que asinase o convenio de expropiación que mantén “paralizado” desde 2017.