Pintadas en edificios históricos do Concello de Tui. Esa parece ser a moda dalgúns incívicos que nos últimos días adicaronse a pintar muros e casas históricas, algunhas con centos de anos de antigüidade. O Concello de Tui condenou xa esta acción.  

A rúa Sanz, tanto o empedrado da rúa, coma as paredes do cárcere vello  e doutros inmobles situados neste emprazamento foron obxecto destes actos vandálicos.

Dende o Concello de Tui faise un chamamento a respectar o patrimonio.   As forzas e corpos de seguridade están a investigar estes feitos para poder localizar á persoa ou persoas que os cometeron.