Novo enfrontamento a razón das “inclinacións relixiosas” das administracións públicas. O último conflito en ser resaltado pola plataforma Galicia Laica ten Vigo como escenario e, máis concretamente, o Monte da Guía, onde segundo o colectivo o Concello vigués tería proxectado -xunto coa deputación de Pontevedra- unha estatua relixiosa “de 6 metros de alto e 7 toneladas de peso”.
O monolito, que iría parar ó cumio do monte, “símbolo e porta de entrada á Ría e á cidade de Vigo”, foi recibido pola asociación como un síntoma da “inclinación innegable das institución públicas españolas e galegas hacia a Relixión Católica, en detrimento por tanto, de outras formas de vivir ou non a espiritualidade humana”.
Ante esta circunstancia, a plataforma laica considera estar diante dun “abuso” institucional en favor do catolicismo que, defenden, contravén o artigo 16 de Constitución, que declara que “ningunha relixión terá carácter estatal”, así como “o principio de democracia que plantexa a neutralidade relixiosa das institucións estatais como única posición verdadeiramente útil para a convivencia harmónica das diferencias opcións persoais”.
