A área sanitaria de Vigo rexistrou o seu sexto brote, un foco de orixe familiar que afecta a cinco persoas, informaron fontes do Servizo Galego de Saúde (Sergas).

Os contagios puideron producirse nunha reunión de varios membros dunha mesma familia para celebrar uns aniversarios.

Galicia rexistra este sábado un total de 308 casos activos, 28 máis que na xornada do venres, e acumula nove días de subidas. Os datos deste novo brote en Vigo aparecerán reflectidos na actualización de casos activos de mañá.