Un accidente no que se viron implicados catro vehículos na A-55, ao seu paso polo municipio pontevedrés de Mos, saldouse cunha persoa ferida e trasladada a unha clínica hospitalaria.

En concreto, o suceso tivo lugar preto das 11,00 da mañá deste martes, nun punto próximo ao quilómetro 12. A esa hora, un particular púxose en contacto co 112 Galicia para informar do ocorrido.

Na súa chamada, esta testemuña do sinistro indicaba que varios turismos chocaran mentres se desprazaban pola A-55 en dirección Vigo.

Seguidamente, os xestores do 112 avisaron do accidente a Urxencias Sanitarias de Galicia-061, aos bombeiros de Baixo Miño e aos membros do Servizo Municipal de Emerxencias de Mos.

Unha vez no lugar dos feitos, os equipos de emerxencia confirmaron que os ocupantes dos catro vehículos atopábanse liberados e accesibles. Ademais, informaron de que unha persoa fora evacuada en ambulancia a unha clínica hospitalaria.

Así mesmo, o 112 Galicia solicitou a colaboración dos axentes da Garda Civil de Tráfico, da Policía Local e do servizo de mantemento da vía para garantir as condicións de seguridade no tramo do accidente.