Os tres ocupantes dunha furgoneta, dous adultos e un menor, resultaron feridos na noite deste xoves despois de saírse da vía ao seu paso por Redondela (Pontevedra).
Segundo informou o 112 Galicia, todo parece indicar que cando o vehículo circulaba pola estrada N-550, á altura de Cedeira, quedou sen freos e o condutor perdeu o control, o que provocou que saira da vía.
Os tres ocupantes resultaron feridos, aínda que non parecían revestir gravidade. O 112 indicaron que puideron saír polos seus propios medios do interior do vehículo. Debido ao impacto, e tras saír da calzada, o vehículo chocou contra o muro dunha casa causando danos materiais na propiedade e nun poste.
