InicioEconomíaA CIG concéntrase en Vigo contra a "precariedade que mata" a automoción

A CIG concéntrase en Vigo contra a “precariedade que mata” a automoción

Denuncian que a "inseguridade non deixa de medrar" no sector industrial como "consecuencia do aumento dos ritmos de traballo".

PUBLICADO O

- Advertisement -

Delegados de CIG-Industria concentráronse este xoves ante a Inspección de Traballo en Vigo para denunciar a “precariedade” que “mata” o sector da automoción, no que o número de accidentes laborais “incrementouse”.

Ademais desta concentración, representantes do sindicato trasladaron a súa protesta á sede da empresa Compoñentes de Vehículos de Galicia, no polígono das Gándaras, onde fai un par de semanas unha traballadora eventual sufriu un grave accidente, e acabou falecendo días despois.

O responsable comarcal de CIG-Industria en Vigo, Xulio Fernández, lamentou que “a inseguridade non deixa de crecer” neste sector industrial, “como consecuencia do aumento da precariedade e dos ritmos de traballo”, e anunciou que este sindicato “seguirá o caso” da traballadora falecida “para que se investigue o sucedido e se depuren responsabilidades”.

Segundo apuntou este sindicato, na industria de automoción “os ritmos de traballo non paran de incrementarse, aumentando as lesións nos postos e as enfermidades laborais que, na maioría dos casos, non están recoñecidas pola empresa, coa inestimable axuda da administración”.

A iso súmase o feito de que as empresas teñen cada vez máis porcentaxe de empregados procedentes de ETT, e cada vez máis servizos externalizados, con “diferentes formas de explotación”, como as empresas multiservicios, os falsos autónomos ou os centros especiais de emprego, caracterizados por “soldos de miseria, xornadas desreguladas, horas extras non retribuídas e falta total de dereitos laborais”.

A CIG subliñou que Galicia, onde as competencias de saúde e prevención laboral están transferidas, “é a comunidade con maior índice de sinistralidade laboral e mortalidade do Estado”. “Á Xunta de Feijóo impórtalle tan pouco o que nos suceda á clase traballadora que nin tan sequera existe unha Consellería do Traballo no seu goberno”, criticou a central nacionalista.

ÚLTIMAS

Caballero saca peito e di que Vigo é un “modelo turístico en España”

O alcalde de Vigo, Abel Caballero, celebrou que a cidade "continúe sendo un modelo turístico...

O BNG de Vigo pide limitar o uso de petardos no Fin de Ano polos “prexuízos” a animais e persoas maiores

O BNG de Vigo demandou ao goberno local que emita un bando para limitar...

Auxilian en Vigo a un home de 50 anos que entrou en parada cardiorespiratoria en plena rúa, resultando falecido

Os profesionais de emerxencias auxiliaron na tarde deste xoves en Vigo a un home duns...

Comisan en Ecuador máis dunha tonelada de cocaína que tiña como destino o porto de Vigo

A Policía Nacional de Ecuador comisou, en Guayaquil, máis dunha tonelada de cocaína nun colector que...