O presidente do Goberno, o socialista Pedro Sánchez, prometeu interesarse pola denuncia do BNG acerca de desprazamentos de , nomeadamente madrileños, á costa galega a pesar das restricións do Decreto de Alarma, que prohibe os movementos entre comunidades. “Vou enterarme exactamente –dixo–. Debemos ter a máxima preocupación“.

No debate parlamentario da sexta e última prórroga do estado de alarma, o deputado do Bloque Nacionalista Galego (BNG), Néstor Rego, volveu a reprochar ao Goberno que non pechase as fronteiras da Comunidade de Madrid nesta crise do coronavirus.

Segundo explicou Rego, alcaldes galegos están a denunciar “a presenza masiva de foráneos” nas súas praias, que ao seu xuízo “maioritariamente proceden de territorios na fase un, como Madrid”, co consecuente “risco sanitario” de contaxio desa “mobilidade irregular”. E todo iso mentres os galegos aínda non poden moverse entre provincias.

Na súa réplica, o presidente do Goberno dixo descoñecer tales “fluxos de mobilidade”, pero considérao “importante” porque Galicia e Madrid están en distintas fases de desescalada e é necesario ter “a máxima precaución” fronte ao Covid 19. “Verei se está a ocorrer ou non –prometeu ao deputado–. Falarei co ministro do Interior”.