O Goberno galego aprobou a prórroga ata finais deste ano 2020 a axuda autonómica para o pago do aluguer das familias que aínda permenecen desprazadas tras verse afectadas pola explosión dunha pirotecnia en maio de 2018 na parroquia de Paramos, en Tui.

Así, a Xunta que deu luz verde a continuar axudando economicamente as nove familias que aínda están pendentes de regresar ás súas casas en construción ou rehabilitación.

En total, a ampliación desta cobertura económica suporá un desembolso de 23.500 euros para estas familias, que se viron afectadas pola demora no inicio das obras –ante a afectación da zona por amianto ou as limitacións de acceso á área da explosión– e a interrupción dos traballos pola pandemia.

Os beneficiarios continuarán percibindo ata finais de ano axuda económicas de entre 300 e 450 euros para o pago do aluguer.