A formación viguesa de Ciudadanos solicitou a reforma dos muros das Pistas de Atletismo de Balaídos, ao considerar que no seu estado actual, “deteriorados e antigos”, “impiden a visibilidade das pistas e a súa contorna”, ademais de supor un perigo para a seguridade, segundo sinalou Gregorio García, coordinador de Cs Vigo referíndose a este espazo “que permaneceu sen grandes cambios durante máis de 20 anos”.
Este deterioro é especialmente notorio, segundo defenden, na rúa Pablo Iglesias, onde subliñan que ademais sería necesaria “a reforma e ensanche das beirarrúas, xa que corresponden a unha senda escolar do CEIP Balaidos, e consideramos que son manifiestamente insuficientes pola súa estreitez”.
Por iso, desde Cs solicitan unha modernización da contorna de Balaidos, “en consonancia co novo deseño urbano froito da remodelación do Estadio do Celta”.
O muro de ladrillo, defenden, “debe ser substituído en determinados puntos debido ao seu desprendemento”, o que advirten como un perigo e un “grave problema de seguridade”.
“É necesario constituír unha contorna urbana máis amable e humana no perímetro das pistas de atletismo, en consonancia ao proxectado nos arredores do estadio de Balaídos” concluíu o coordinador de Cs.
Por outra banda, os/as atletas que utilizan a utilización municipal de Balaídos a diario denuncian o mal estado desta, chegando a atopar nos últimos meses nos seus vestiarios rás, ratas e fungos.
Ademais, quéixanse dunha férrea normativa municipal que impide utilizar as pesas fóra do ximnasio, empregar o ximnasio en días de competición, ou correr sen camiseta.
