InicioPolíticaAbel Caballero considera que celebrar eleccións representa "o que menos necesita" a...

Abel Caballero considera que celebrar eleccións representa “o que menos necesita” a cidadanía

"Neste momento o que menos está na miña cabeza son as eleccións", remarcou o alcalde vigués á vez que acusou á Xunta de abandonar " a acción social nesta urbe".

PUBLICADO O

- Advertisement -

O alcalde de Vigo, Abel Caballero, constatou que a celebración das eleccións galegas, que terán lugar o próximo 12 de xullo, representa “seguramente o que menos necesitan” a economía da cidade olívica e a “saúde da xente”.

Preguntado tras unha rolda de prensa celebrada de modo telemático, o rexedor da maior urbe galega volveu a insistir en que a súa “cabeza” se centrará no proceso de desescalada establecido “con bo criterio e con bo xuízo” e na reconstrución económica.

“Eu voume a dedicar ao que importa, a saúde da xente e a reconstrución da economía de Vigo”, afirmou. Así, asegurou que investirá “24 horas” diarias en atender as necesidades da cidade. “Neste momento o que menos está na miña cabeza (…) son as eleccións”, remarcou á vez que acusou á Xunta de abandonar ” a acción social nesta urbe”.

Neste sentido, lembrou que nas últimas semanas mantivo encontros con representantes dos distintos sectores económicos da cidade e sinalou que se manterá a celebración destas sesións. Precisamente, Abel Caballero avanzou que nos próximos días reunirase cos representantes do Consorcio da Zona Franca e a Deputación de Pontevedra para establecer un plan de acción económica conxunto.

Así mesmo, tras volver lamentar que a Xunta non establecese unha canle de comunicación co goberno local “para coñecer a situación da cidade”, o alcalde insistiu en que non verteu críticas políticas contra o Executivo autonómico dada a crise sanitaria actual. Con todo, advertiu de que a celebración unhas eleccións leva a rotura do “clima de unidade” xerado no marco da pandemia por parte de “quen as convoca”, en alusión ao presidente do Goberno galego, Alberto Núñez Feijóo.

ÚLTIMAS

De Baiona a Bruxelas: a iniciativa cidadá que cambiará a seguridade infantil nos coches europeos

Pedro Telmo, veciño de Baiona, impulsou unha campaña en Change.org que superou as 62.500...

O BNG esixe cambiar o plan de tráfico do Nadal de Vigo tras o “caos” do acendido das luces e o desfile de Disney+

O BNG de Vigo urxiu ao Goberno municipal que "rectifique" o plan de tráfico...

“Ameaza a supervivencia do barrio”: Lavadores mobilízase contra o proxecto de vivendas da Xunta

Máis de mil veciños do barrio vigués de Lavadores asinaron unha carta dirixida ao...

O histórico Teatro Fraga de Vigo volverá á vida: case 20 millóns de euros para unha reforma que comezará en 2027

O Consello da Xunta autorizou este luns a licitación das obras de restauración do...