O Concello de Vigo abre este sábado, día 2 de maio, os areais da cidade para que a xente que vive a en un espazo de menos dun quilómetro deles poida pasear por estas zonas.

“Só pasear, non se pode utilizar nin para estar tombados nin para o baño se viñese o bo tempo”, subliñou o alcalde, Abel Caballero, nunhas declaracións difundidas aos medios.

Na súa intervención, chamou aos veciños a respectar o sistema de franxas que entra en vigor este sábado. “Segue sendo un paseo nun quilómetro á redonda do domicilio”, incidiu.