O número de persoas falecidas pola COVID-19 na área sanitaria de Vigo é de 83, o mesmo número que a área sanitaria de Ourense. Na área da Coruña rexistráronse 113 falecidos, 69 mortes na área sanitaria de Santiago, 24 na área de Ferrol, 25 na área de Lugo e 15 na área sanitaria de Pontevedra.

Na xornada deste luns, as autoridades sanitarias tamén notificaron o falecemento dun usuario na residencia DomusVi do barrio vigués de Barreiro co que, tras a actualización de datos, o número de mortes rexistradas en centros xeriátricos elevouse a 126.