O Exército de Terra, a través do seu Mando Compoñente Terrestre, no ámbito da ‘Operación Balmis’ no marco da crise sanitaria do COVID-19, desprega este luns unidades da Brilat para, entre outras, realizar labores de desinfección nunha residencia no municipio de Crecente (Pontevedra).
Segundo informou a Brilat, os equipos de descontaminación NBQ (Nuclear, Bacteriolóxico, Químico) desrazaranse este luns ata esta localidade. Ademais, entre os seus labores a Brilat ten previstas este luns misións de apoio co despregamento da estación de triaxe no Hospital Universitario Central de Asturias en Oviedo (HUCA), así como a colaboración coa Garda Civil no control fronteirizo no límite de Galicia con Portugal nas provincias de Pontevedra e Ourense, con patrullas móbiles.
Respecto diso, incide a Brilat en que estas actuacións “poderán verse modificadas en tempo e lugar por motivos operativos ou a recepción de novas instrucións”.
