Un camión que non transportaba mercadorías perigosas ardeu este venres pola mañá na parroquia de Valadares, situada no termo municipal de Vigo.

Segundo informou o 112 Galicia, un particular alertou do ocorrido ao redor das 11,50 horas, polo que se notificou este feito aos bombeiros, a Policía Local e o corpo de Protección Civil da cidade olívica.

Deste xeito, efectivos do parque auxiliar de bombeiros de Balaídos desprazáronse á zona e apagaron as chamas orixinadas no camión, que se atopaba baleiro.

Adicionalmente, fontes do corpo antiincendios confirmaron que o incidente rexistrado en Valadares non deixou feridos.