A unidade do Exército de Terra Brilat continúa coa ‘Operación Balmis’ en diferentes puntos do territorio galego. Durante esta xornada dedicarase a levar a cabo labores de desinfección en tres residencias de maiores, dúas en Vigo e unha en Nigrán.

Os equipos de descontaminación NBQ (Nuclear, Bacteriolóxico, Químico) van desprazarse ata a Residencia Sanitas residencial de Vigo e á DomusVi da mesma cidade, así como tamén á Residencia Bellavista en Nigrán.

Así o confirmou este sábado o equipo do exército que leva a cabo estas operacións e que hoxe traballarán neste tres establecementos galegos, como xa fixeron noutras residencias do territorio.

Estes centros convertéronse nun dos grandes focos de contaxio que máis pacientes con coronavirus enfermos está a deixar. Os datos oficiais da Consellería de Política Social mostran que ata agora se contabilizan máis de 600 casos positivos entre usuarios e traballadores.