InicioSucesosSete novas actuacións policiais por infrinxir o estado de alarma, dúas por...

Sete novas actuacións policiais por infrinxir o estado de alarma, dúas por “festas” en domicilios

O alcalde de Vigo volveu a insistir na necesidade de que os veciños permanezan nas súas vivendas, sen outra compañía que a dos habitantes deses domicilios. "Non se poden facer festas nin reunións de varias familias", recalcou e engadiu: "Sigamos con este comportamento excepcional que a cidade está a ter".

PUBLICADO O

- Advertisement -

A Policía Local de Vigo tramitou nas últimas horas outras 7 actuacións, que afectan a máis de medio centenar de persoas, por infrinxir o Real Decreto do estado de alarma e, en dous casos, tratouse de reunións de varias persoas en domicilios particulares.

Así o trasladou en rolda de prensa o alcalde, Abel Caballero, quen sinalou que esas novas denuncias correspóndense con infraccións cometidas este xoves. Segundo apuntou, en dous casos, a Policía “detectou” a celebración de “festas” en domicilios particulares, coa participación de grupos de ata 20 persoas.

Respecto diso, o rexedor volveu a insistir na necesidade de que os veciños permanezan nas súas vivendas, sen outra compañía que a dos habitantes deses domicilios. “Non se poden facer festas nin reunións de varias familias”, recalcou e engadiu: “Sigamos con este comportamento excepcional que a cidade está a ter”.

A Policía Local de Vigo, pola súa banda, informou da identificación e denuncia a dous homes que se atopaban deambulando pola vía pública sen causa xustificada e infrinxiron o Real Decreto do estado de alarma, e que, ademais, estaban reclamados xudicialmente.

Segundo informaron fontes do 092, a primeira identificación produciuse na madrugada deste xoves, cando a Policía localizou a un home camiñando pola rúa. Ao paralo para identificalo, o home negouse a achegar os seus datos, pero os axentes puideron pescudar que se trataba dun vigués de 50 anos de idade, ao que lle consta unha orde de investigación de domicilio e paradoiro emitada polo xulgado de instrución número 1 de Vigo.

O xoves pola tarde, así mesmo, foi identificado outro home de Vigo, de 45 anos de idade, que foi sorprendido camiñando pola rúa Mariña Mansa, e ao que tamén lle constaba unha orde xudicial de investigación de domicilio e paradoiro, emitida por un xulgado de instrución de Pontevedra.

ÚLTIMAS

“Vigo ten unha oportunidade”: Louzán abre a porta ao Mundial de 2030 e anuncia unha visita a Balaídos

O presidente da Real Federación Española de Fútbol (RFEF), Rafael Louzán, destacou este xoves...

Nova resposta da Xunta a Caballero polo Mundial de 2030: “Mantemos a mesma postura desde hai tempo”

O conselleiro de Presidencia, Xustiza e Deportes, Diego Calvo, insistiu en que a Xunta...

“Non pode ser que sufran un dano importante”: Caballero esixe compensacións xustas para aos afectados polo Ofimático

O alcalde de Vigo, Abel Caballero, volveu expresar este xoves o seu apoio aos...

“Que asinen mañá”: Caballero desafía a Rueda e á Deputación polo Mundial de Vigo

O alcalde de Vigo, Abel Caballero, insistiu este xoves en que nin a Xunta...