Efectivos da Brilat xa realizaron recoñecementos por diversos puntos estratéxicos de Vigo, segundo confirmou o Ministerio de Defensa, no marco das medidas extraordinarias postas en marcha para tratar de conter o avance da epidemia de coronavirus.

Así, a Compañía de Mando e Apoio do Batallón Zamora I/29 da Brilat realizou recoñecementos con unidades despregadas polas zonas máis transitadas de Vigo, e polo porto, aeroporto, as dúas estacións de tren (Urzáiz e Guixar) e as prazas máis concorridas.