Na primavera de 1993 deron comezo os traballos de restauración das dunas dos areais de Fontaíña e Baluarte (Coruxo, Vigo) co que, na actualidade, este proxecto que aínda se está levar a cabo vai cumplir 25 anos.

Na Asociación Fontaíña o celebran organizando unha cea literaria conmemorativa o vindeiro 30 de xuño na que queren xuntar a todas as persoas que colaboraron ou simpatizan co proxecto dende os seus inicios no Grupo Erva ata a actualidade, xa na Asociación Fontaíña, e na que cada un dos asistentes terá a opción de levar poemas ou textos breves inspirados nas dunas de Fontaíña e Baluarte para ler e disfrutar cos demais comensais. 

“Cómpre lembrar que cando comezamos traballar neste interesante ecosistema dunar atopábase nun estado de degradación moi avanzado e agora, tras as tarefas de restauración, forma parte do Espazo Natural de Interese Local “Complexo duna-areal dos areais do Vao e Baluarte”, subliñan.

Daquela case que non había experiencias de restauración dunar en Galicia polo que o proxecto foi pioneiro: “Tras vintecinco anos de esforzo continuado, o proxecto ben se merece unha cea de celebración”.

“Ademais desta actividade, ó longo do ano proseguiremos cos traballos de restauración ambiental nos tres espazos naturais onde habitualmente traballamos: areais e dunas de Fontaíña e Baluarte, areal e dunas de Cabo de Mar e Xunqueira do Lagares; e temos previsto organizar outras actividades como palestras temáticas, actividades que conxuguen arte e natureza, os xa tradicionais censos de aves acuáticas…”, engaden.

Para máis información, o seu blog fontainhavigo.blogspot.com e a súa páxina de Facebook, sendo actividades abertas á participación de todo o mundo. Para as dunas de Fontaíña e Baluarte fixaron dous obxectivos concretos para 2018: renovar o itinerario autoguiado de interpretación ambiental e proseguir coa solicitude de retirado da ducha sobre as dunas.