O tribunal de xurado declarou por unanimidade a César Adrio como culpable do asasinato da enxeñeira Ana María Enjamio, ocorrido en Vigo na madrugada do 16 ao 17 de decembro de 2016.

O tribunal popular (formado por catro mulleres e cinco homes) considerou tamén ao acusado responsable dos delitos de acoso e vulneración da intimidade.

Así, considera probado que César Adrio, que mantivera unha relación coa vítima, non aceptou o fin da relación e someteu á moza a unha fustrigación que durou meses.

Tamén considera probado que na noite do crime o acusado abordou de forma sorpresiva a Ana no seu portal e asestoulle unha trintena de coiteladas.