O corpo dun home foi localizado na mañá deste mércores na auga no Río Louro no termo municipal do Porriño (Pontevedra).

Segundo informaron a Europa Press fontes do 112 Galicia, sobre as 9,15 horas deste mércores recibiu o aviso da Policía Local do Porriño da presenza dun corpo que flotaba na auga. Por iso, por parte do 112 informouse a Urxencias Sanitarias de Galicia-061, á Garda Civil, aos Bombeiros de Baixo Miño e a Protección Civil da localidade.

O corpo do home foi identificado e corresponde a un veciño da localidade de Mos, natural do Porriño, municipio no que foi achado o seu cadáver. Así o confirmou a Policía Local do Porriño, que concretou que polos indicios “trátase dunha morte natural”, xa que o cadáver “non presenta signos de violencia”, abundou.