Os aeroportos de Santiago (+7,4%) e A Coruña (+12,8%) creceron en pasaxeiros en outubro en comparación co mesmo mes de 2018, mentres o de Vigo rexistrou unha caída do 17% neste período, segundo os datos publicados este martes por Aena.

Así, os viaxeiros na terminal de Peinador caeron ata 88.633. Aquí os voos descenderon ata 958, o que supón un 13,5% menos que un ano antes, a maioría deles operacións nacionais. Houbo tamén 51,7 toneladas de mercadoría.

No que vai de ano, o aeroporto de Peinador contou con 873.124 usuarios no que vai de ano, o que supón un 9,3% menos que entre xaneiro e outubro de 2018.

Pola súa banda, o aeroporto da Coruña contou con 124.833 pasaxeiros en outubro, un 12,8% máis que no décimo mes de 2018. Foron 1.487 voos, dos cales 968 tratábanse de comerciais (+8,2%). O tráfico de mercadorías movido foi de 10,9 toneladas.

No que vai de ano, a terminal de Alvedro conta con 1.143.822 pasaxeiros, un 11% máis que no dez primeiros meses de 2018, un 11% máis.

No tocante a Lavacolla, aumentaron os pasaxeiros en outubro ata un total de 263.999, un 7,4% máis. Aquí a terminal de carga manexou 315,2 toneladas (+17,6%).

No que vai de ano, 2.492.956 viaxeiros pasaron polos aeroportos de Lavacolla, un 6,6% máis que entre xaneiro e outubro. Neste período houbo 19.302 voos.