Un home resultou ferido na mañá deste xoves tras caer desde un montacargas mentres traballaba na obra dun edificio situado na rúa Gran Vía de Vigo.

Así, segundo informou o 112 Galicia, os servizos de emerxencia tiveron constancia do suceso sobre as 09,30 horas, cando un particular pediu asistencia sanitaria para un compañeiro que caera mentres traballaba e estaba ferido.

Desta maneira, o Centro Integrado de Atención ás Emerxencias (CIAE) alertou ao 061, á Policía Nacional, á Policía Local e a Protección Civil.

Segundo fontes da Policía Nacional, tratábase dun home que traballaba nunha empresa construtora dun edificio que caeu dun montacargas e fracturou un nocello. As mesmas fontes confirmaron que o home tivo ser trasladado ao hospital.