Co gallo doi Día Internacional para a Erradicación da Pobreza, a Rede Social Galicia Sur organizou o primeiro Círculo de Silencio en Vigo, na Farola de Urzáiz coa rúa Príncipe.
Alí, os asistentes, con media hora de silencio, quixeron expresar a súa indignación polas políticas que xustifican “o libre movemento de capitais e das empresas transnacionais fronte á represión e ás barreiras que se alzan ante millóns de persoas, vítimas inocentes dos estragos dun capitalismo depredador e asasino”.
Un silencio en solidariedade coas persoas migrantes para denunciar as políticas española e europea nas fronteiras, fronte as cales reclaman “outras políticas, outras miradas, comprometidas coas persoas antes que cos capitais, cos dereitos antes que cos poderes, coa vida digna antes que coa represión xeneralizada”.
