A Xunta de Goberno do Concello de Vigo aprobou este xoves a adxudicación, á UTE Civis global-Gevora, as obras de peonalización da Porta do Sol, que comezarán en xaneiro próximo.

Segundo informou en rolda de prensa o alcalde, Abel Caballero, aínda que a licitación publicouse por 17 millóns, finalmente os traballos adxudicáronse por 13,4 millóns de euros, e o prazo de execución será de dous anos.

Esta obra, que transformará o centro da cidade, contempla a creación dunha gran praza de 8.000 metros cadrados, zonas verdes, nova iluminación, un escenario, unha réplica das Illas Cíes, e un túnel de dous carrís para soterrar o tráfico entre Policarpo Sanz e Elduayen.