Tralo desplante sufrido polas alcaldías do Morrazo o pasado venres, cando ningún representante do Ministerio de Fomento decidiu acudir á cita que teoricamente concertárase coa administración, a comarca amosou o deu descontento esta mesma mañá de domigo, ao concentrarse no Concello de Moaña, en Domaio, nos aledaños da súa igrexa.

Nesta protesta, veciños e veciñas de tódalas idades amosaron a súa crítica a unhas obras de ampliación que se estarían producindo de forma irregular por acontecer con posterioridade á inauguración da ponte e a subida de peaxes, provocando numerosas retencións e ademais, engaden os alcaldes, sen informar aos concellos que están a sufrir estas molestias.