InicioSucesosDetido un veciño de Vigo tras roubar roupa e bater no encargado...

Detido un veciño de Vigo tras roubar roupa e bater no encargado do comercio

Segundo informaron fontes policiais, os feitos tiveron lugar á primeira hora da tarde, cando o 091 recibiu un aviso dunha agresión nun comercio da rúa Urzáiz.

PUBLICADO O

- Advertisement -

Axentes da Policía Nacional da Comisaría de Vigo detiveron a un veciño da cidade, de 35 anos de idade, como presunto autor dun roubo con violencia nun establecemento comercial da rúa Urzáiz, no que agrediu a un empregado. Segundo informaron fontes policiais, os feitos tiveron lugar á primeira hora da tarde, cando o 091 recibiu un aviso dunha agresión nun comercio da rúa Urzáiz.

Cando chegaron os axentes ao lugar, varias testemuñas describiron a un sospeitoso que vestía sudadera con carapucha e bermudas, e que agredira ao encargado dunha tenda cun cinto enrolado na man.

O propio prexudicado relatou á Policía que sorprendera ao mozo furtando varias pezas de roupa e que, cando o suxeitou para retelo e impedir que se fose sen pagar, este propinoulle unha puñada na cara, con tanta forza que o tirou ao chan.

TENTOU ESCONDERSE

Outras dotacións policiais que peitearon a zona localizaron, na terraza dun bar da rúa Irmandiños, unha sudadera con carapucha tirada no chan. Ao entrar no local, descubriron que o sospeitoso se escondía no cuarto de baño do establecemento.

Unha vez identificado, comprobaron que, entre as súas roupas, ocultaba diversos artigos cuxa procedencia non puido xustificar, así como unha alarma e ferramentas para anular medios electrónicos.

Por estes feitos foi detido e trasladado a Comisaría, onde se constatou que ten 27 antecedentes policiais. A actuación foi levada a cabo por axentes da Unidade de Prevención e Reacción, da Brigada de Seguridade Cidadá, e o detido e as dilixencias practicadas foron postos a disposición xudicial.

ÚLTIMAS

O Celta consegue que a RAG incorpore no diccionario “canteirán,canteirá”

O Diccionario da Real Academia Galega (RAG) incorporou "Canteirán, canteirá" como nova acepción tras...

De Baiona a Bruxelas: a iniciativa cidadá que cambiará a seguridade infantil nos coches europeos

Pedro Telmo, veciño de Baiona, impulsou unha campaña en Change.org que superou as 62.500...

O BNG esixe cambiar o plan de tráfico do Nadal de Vigo tras o “caos” do acendido das luces e o desfile de Disney+

O BNG de Vigo urxiu ao Goberno municipal que "rectifique" o plan de tráfico...

“Ameaza a supervivencia do barrio”: Lavadores mobilízase contra o proxecto de vivendas da Xunta

Máis de mil veciños do barrio vigués de Lavadores asinaron unha carta dirixida ao...