Pasaron xa sete meses da moción de censura que puxo ao fronte da alcaldía de Tui ao converxente Carlos Vázquez Padín e nin o presidente da Xunta, nin a presidenta da Deputación de Pontevedra, o recibiron.
Por iso, o rexedor tudense remitíu sendos escritos a Alberto Núñez Feijoo e Carmela Silva solicitándolles unha entrevista para transmitirlles as necesidades da cidade. Nesas castas explica que este 17 de maio fixéronse sete meses dende que está na alcaldía polo que coida “que é un bo momento” para manter unha xuntanza xa que para o goberno municipal “unha boa colaboración interinstitucional é sen dúbida unha prioridade”.
É por este motivo que lles solicita tanto ao presidente da Xunta coma á presidenta da Deputación unha entrevista para “poder pór en común os aspectos que teñen que ver con Tui”. Por último Carlos Vázquez Padín agarda que a solicitude feita a ambos mandatarios poida ser atendida ao longo das próximas semanas.
