Os labores de busca do mozo portugués de 23 anos, que desapareceu o pasado domingo durante unha proba de tríatlon en augas do río Miño, retomáronse na mañá deste mércores. Son xa catro días sen que as intensas batidas a ambas beiras do Miño desen resultado.
A Armada Española, a través da Comandancia Naval do Miño e a Marinha Portuguesa mediante a Capitanía de Porto de Caminha, lideran o dispositivo de procura e están coordinado os medios da zona.
A alerta pola desaparición deste deportista, ao que se lle perdeu a pista durante a proba que se desenvolvía na parroquia de Goián (en Tomiño), activouse na tarde do domingo, cando se puxo en marcha o protocolo de cooperación transfronteiriza ARIEM 112.
A Comandancia Naval do Miño destacou que na xornada do martes empregáronse nunha ampla zona equipos de detención subacuática e realizáronse inmersións nun período de catro horas, mentres a corrente o permitiu. Ademais, investigáronse ata 15 obxectos mergullados que foron descartados.
