A Policía Local de Vigo identificou ao condutor dun camión e tramitou denuncia por un suposto delito ambiental, por depositar cascallos e outros residuos na vía pública. Segundo informaron fontes policiais, os feitos tiveron lugar o pasado luns pola tarde, cando un veciño alertou ao 092 de que vira un camión envorcando a súa carga de plásticos e sacos de cascallos na vía pública, á beira dun colector na parroquia de Bembrive.

A Policía logrou localizar ao condutor do vehículo e unha dotación trasladouse á empresa á que pertence. Como primeira medida, obrigárono a retirar os residuos que deixara, e tamén se reclamaron os albaráns da carga para verificar os permisos administrativos e trasladar os feitos a Medio Ambiente, por se procede cursar sanción por incumprir a normativa.