A Universidade de Vigo (UVigo) ofrecerá desde setembro un posgrao en Desenvolvemento de Software e Negocio Dixital, en virtude dun acordo de colaboración con empresas do Clúster de Tecnoloxías da Información e a Comunicación (TIC).
Segundo recolleu a organización nun comunicado, xunto a Imatia Innovation, a firma do convenio aspira a facilitar o acceso ao sector tecnolóxico a estudantes e traballadores doutros ámbitos, como graduados en titulacións empresariais e técnicas, ademais da profesionais do TIC que busquen “explotar o potencial das empresas dixitais”.
O prazo de inscrición permanecerá aberto ata que se completen as prazas ofertadas e a solicitude poderase realizar a través da páxina web de Imatia.
Así, preténdese capacitar aos alumnos en competencias e ferramentas tecnolóxicas, así como en capacidades de liderado, consultoría e xestión relacionadas co desenvolvemento da actividade práctica empresarial.
En concreto, o curso comezará o próximo 30 de setembro e constarase de nove meses de duración. O alumnado poderá asistir a clases presenciais ou cursar o posgrao a distancia en horario de luns a xoves de 16,00 a 19,00 horas.
Ademais, contémplanse prácticas remuneradas en empresas galegas durante seis meses en horario de 9,00 a 14,00 horas para capacitar ao alumnado para desenvolver proxectos e solucións reais.
