O presidente da Xunta, Alberto Núñez Feijóo, aprobou este xoves o nomeamento da exalcaldesa de Vigo e ata agora presidenta do Consello Económico e Social (CES), Corina Porro, como delegada da Xunta na cidade olívica. Un nomemamento que para o líder dos populares galegos “é incuestionable e pertinente” e que provocou unha importante renovación de cargos da Xunta na cidade olívica e que coincide, no tempo, coa crise aberta no PP vigués.
Preguntado por Xornal de Vigo se este nomeamento ten relación con que Porro sexa a presidenta da xestora do PP en Vigo, Feijóo destacou a valía da dirixente popular para este novo cargo. “A persoa que chega á delegación en Vigo ninguén discute que coñece, como moi poucas, os asuntos de Vigo”, suliñou.
Así, destacou que o seu currículo acredita que é unha persoa “con formación, información e experiencia” para ser a titular da Delegación da Xunta en Vigo. “Paréceme que é un dos nomeamentos incuestionables desde o punto de vista de formación, antecedentes e experiencia”, insistiu Feijóo.
Ademais, o líder dos populares galegos suliñou que ademais existiu unha razón que é a da “pertinencia” deste nomemamento. “O importante é que unha persoa que chegue a un cargo pois coñeza os contidos, o territorio onde vai a actuar e que teña experiencia en xestión. Iso é o que nós propoñemos en xestión cando propoñemos cargos e cumple todos eses requisitos”, dixo restándolle importancia a que Porro acumule agora este cargo co da dirección do PP en Vigo.
FUTURO DE LÓPEZ-CHAVES
E que vai ser de López-Chávez?. O ata agora delegado da Xunta será nomeado como presidente do Consello Galego da Competencia, nun claro xesto do xefe do Executivo galego por premialo con outro cargo tras a chegada de Corina Porro.
Onde aínda non hai substituto ou substitua é para o CES, o cargo que deixa vacante Corina Porro. Preguntado sobre esta cuestión, Feijóo dixo que a Xunta prevé designar substituto en “o menor tempo”. “E pode ser Pilar Rojo a elixida?”, preguntouselle en alusión a ex presienta da Cámara galega. “Xa vin que se fala dela pero, por agora, non hai conversas sobre ese tema”, apuntou.
