A Policía Local de Vigo instruíu dilixencias, que remitirá á Fiscalía de Menores, polas “anomalías” detectadas no uso dun patinete eléctrico por parte dun mozo de 14 anos de idade.

Segundo informaron fontes policiais, este mozo foi interceptado cando conducía o patinete (no que ía tamén outra persoa) por un carril de circulación da rúa Travesía de Vigo. Os axentes verificaron as características do vehículo e comprobaron que, pola súa potencia, necesita levar placa de matrícula e ter subscrita unha póliza de seguros.

O mozo condutor alegou que descoñecía esa obrigación e recoñeceu que non fixera eses trámites, polo que se interpuxeron senllas denuncias por “irregularidades”. Ademais, ao ter 14 anos de idade, o denunciado tampouco ten permiso para a condución de vehículos, polo que o patinete foi inmobilizado.