O MSC Preziosa, un trasatlántico operado por MSC Cruceros, tivo que abrigarse este mércores en Vigo para protexerse do temporal de vento no mar.

Este barco, de 333 metros de longo e con capacidade para máis de 4.300 pasaxeiros, inclúe unha praza italiana de pedra e detalles espectaculares como as magníficas escaleiras con cristais de Swarovski e a asombrosa piscina «infinity».

Ten, ademais, suites exclusivas, servizo de mordomo as 24 horas do día, instalacións especializadas e cubertas privadas con acceso exclusivo a todas as instalacións públicas, incluíndo o casino e o teatro Broadway.