A Universidade de Vigo (UVigo) convocou bolsas para acoller entre un e dous meses a estudantes de países do África lusófona, América do Sur e os Balcáns que realicen o seu Traballo de Final de Grao (TFG) ou o seu Traballo de Final de Máster (TFM) sobre temáticas relacionadas co desenvolvemento sustentable.
Segundo recolleu a universidade nun comunicado, os beneficiarios deberán comprometerse a defender o seu proxecto neste curso ou durante o próximo e desenvolvelo sobre temáticas relacionadas coa Axenda 2030 e os 17 obxectivos de desenvolvemento sustentable.
O período para solicitar estas bolsas, cuxa contía non poderá superar os 2.000 euros, permanecerá aberto ata o próximo 10 de maio e, durante o seu goce, os estudantes contarán co apoio e a supervisión dunha ONG ou unha entidade social que realice labores de cooperación sobre o terreo nos países que participan na iniciativa.
Deste xeito, aspírase a facilitar procesos de aprendizaxe-servizo (APS) á comunidade mediante a participación activa do estudiantado e, así, consolidar unha aprendizaxe que permita mellorar as necesidades unha área vulnerable.
