O número de persoas afiliadas á Seguridade Social incrementouse no sete grandes cidades de Galicia nos últimos 12 meses (de marzo de 2018 a marzo de 2019), sobre todo en Pontevedra e Vigo, cun 3% e un 2,9% máis, respectivamente.

Así se desprende dos datos publicados este luns polo Instituto Galego de Estatística (IGE) de afiliacións á Seguridade Social por concello de residencia. Tras Pontevedra e Vigo sitúanse A Coruña e Santiago de Compostela, cun incremento do número de persoas afiliadas ao sistema do 2% e 2,1%, respectivamente.

Así, Pontevedra, Vigo e Santiago rexistran taxas de variación interanuais iguais ou superiores á media, que é do 2%, como no caso da capital herculina.

MÁIS DE 1 MILLÓN

En marzo de 2019 rexistráronse 1.006.613 afiliacións á Seguridade Social en Galicia, un 1,2% máis que fai tres meses, en decembro de 2018. Destas, 988.518 (o 98,2%) corresponden a persoas cuxa residencia se atopa nun dos concellos de Galicia.