O alcalde de Vigo, Abel Caballero, participou este martes nos actos con motivo do Día do Libro, doando un exemplar dunha das súas novelas para participar nun ‘bookcrossing’ e cedendo outra á biblioteca pública Juan Compañel.

Así, o rexedor entregou o seu libro ‘La elipse templaria’ no museo Marco para que forme parte dos exemplares que se deixarán en varios puntos da cidade, co fin de que calquera persoa poida ‘adoptalos’ e, tras lelos, volver deixalos nalgunha biblioteca.

Segundo explicou Abel Caballero, escribiu esta novela histórica, ambientada na Galicia dos séculos XIII e XIV, “en só 30 días, escribindo sen parar“, e unha amiga súa “experta en literatura”, animouno a publicala tras constatar que “era moi boa”.

Por outra banda, o alcalde avanzou que entregará na biblioteca Juan Compañel un exemplar doutra das súas novelas, ‘La puerta amarilla‘, a petición da propia directora da biblioteca, porque “un lector a pediu”.

Ademais destes dous libros, Abel Caballero publicou as novelas ‘El hombre que tenía miedo al mar’ (2003) e ‘El invierno das almas desterradas’ (2004).