InicioSociedadeVigo lembra o 40 aniversario das vítimas do accidente dun autobús escolar...

Vigo lembra o 40 aniversario das vítimas do accidente dun autobús escolar no río Órbigo

Durante o acto, un dos sobreviventes do suceso, Juan Francisco González Mella, mostrou o seu respecto aos barrios vigueses nos que residían os falecidos e afirmou que as vítimas se merecen a homenaxe que tivo lugar este mércores tanto en Vigo como en Santa Cristina de la Polvorosa, onde tivo lugar o accidente.

PUBLICADO O

- Advertisement -

O Concello de Vigo celebrou este mércores unha homenaxe en recordo das 49 persoas, 45 nenos e catro adultos, que perderon a vida nun accidente de autobús ocorrido o 10 de abril de 1979 no río Órbigo durante unha expedición dun colexio da cidade. Así, no 40 aniversario do suceso, inaugurouse unha placa conmemorativa na ‘lonxa’ do edificio municipal e colocouse unha coroa de flores xunto á mesma.

Durante o acto, un dos sobreviventes do suceso, Juan Francisco González Mella, mostrou o seu respecto aos barrios vigueses nos que residían os falecidos e afirmou que as vítimas se merecen a homenaxe que tivo lugar este mércores tanto en Vigo como en Santa Cristina de la Polvorosa, onde tivo lugar o accidente.

Ana Bonollosa, irmá de Raúl Bonollosa, un profesor falecido no accidente, puxo en valor o labor dos voluntarios que colaboraron no rescate e o apoio recibido por parte da cidade tras o suceso.

Tamén recoñeceu a colaboración mostrada por parte da asociación de pais e nais afectados e resaltou como a dirección do centro educativo Vista Alegre “soubo remontar unha historia tan penosa”.

Así mesmo, o alcalde, Abel Caballero, puxo en valor que os vigueses estivesen xunto aos afectados dunha traxedia que “marcou unha parte da historia da cidade” e cuxas vítimas, segundo finalizou, aínda viven “no corazón dos seus familiares”.

ÚLTIMAS

“Vigo ten unha oportunidade”: Louzán abre a porta ao Mundial de 2030 e anuncia unha visita a Balaídos

O presidente da Real Federación Española de Fútbol (RFEF), Rafael Louzán, destacou este xoves...

Nova resposta da Xunta a Caballero polo Mundial de 2030: “Mantemos a mesma postura desde hai tempo”

O conselleiro de Presidencia, Xustiza e Deportes, Diego Calvo, insistiu en que a Xunta...

“Non pode ser que sufran un dano importante”: Caballero esixe compensacións xustas para aos afectados polo Ofimático

O alcalde de Vigo, Abel Caballero, volveu expresar este xoves o seu apoio aos...

“Que asinen mañá”: Caballero desafía a Rueda e á Deputación polo Mundial de Vigo

O alcalde de Vigo, Abel Caballero, insistiu este xoves en que nin a Xunta...