O presidente da Autoridade Portuaria de Vigo, Enrique López Veiga, sinalou que a actuación contra o botellón que se celebra no Paseo das Avenidas da cidade olívica compete ao Concello.
Durante unha rolda de prensa celebrada este venres, López Veiga concretou que transmitiu aos compoñentes do Consello de Administración, cuxa reunión tivo lugar en Vigo, a legalidade desta práctica de acordo cun informe remitido pola Avogacía Xeral do Estado.
Así mesmo, o presidente do Porto asegurou que nas actuacións correspondentes a este tema produciuse unha “boa” colaboración entre a Policía Local, a Autonómica e a Nacional.
Sobre este punto, o alcalde de Vigo, Abel Caballero, asegurara con anterioridade que o municipio non podía actuar na zona debido a que correspondía a unha área portuaria.
