Os círculos do silencio, nados hai unha década en Francia, estendéronse xa por toda Francia e boa parte de Europa. Agora chegan a Vigo. Este 21 de marzo un gran círculo ocupou o centro da nosa cidade.
O obxectivo destas estruturas humanas é a protesta, un berro estático contra a cultura da violencia. “Un xesto pacífico permanente de denuncia, a través dunha acción sinxela e asumible para todo o mundo”, subliñan os seus promotores, Rede Social Galicia Sur.
“O silencio como forma de diálogo, que apela á conciencia de quen fai as leis, de quen as aplica e da cidadanía que as asume, ás veces de forma pasiva e acrítica. Silencio como forma de acción que aglutina a persoas de boa vontade, que podendo ter ideoloxías, culturas ou crenzas diferentes, atopan nese silencio solidario coas persoas e comunidades oprimidas unha linguaxe común”, subliñan.
O primeiro círculo de silencio de Vigo celebrouse en Vigo o día 17 de outubro de 2018, para denunciar a política fronteiriza do Estado e para dar ánimos ás persoas migrantes. O segundo chegou o 30 de xaneiro deste ano, contra as guerras, e o pasado xoves centrouse na loita contra o racismo.
