O ‘tigre de Gales’, Tom Jones, actuará o próximo 23 de xullo no auditorio de Castrelos, en Vigo, dentro da programación das festas de verán, segundo anunciou este venres en rolda de prensa o alcalde da cidade, Abel Caballero.

Así, o rexedor olívico avanzou o que será o “primeiro gran concerto”, e o primeiro dos doce artistas que, segundo anunciou, actuarán na cidade en período estival.

As entradas para asistir ao concerto de Tom Jones, unha “lenda da música con maiúsculas” que volve a Vigo 42 anos despois (visitou a cidade en 1975), sairán proximamente á venda, a un prezo que oscilará entre os 5 e os 10 euros.