Axentes da Policía Local e de Bombeiros de Vigo rescataron a un home de 47 anos, natural de Australia e sen domicilio coñecido, que quedou atrapado pola persiana dun garaxe.

Segundo informaron fontes policiais, os feitos ocorreron na mañá do domingo, cando unha dotación do 092 acudiu a un garaxe da rúa Tomás Alonso. Unha vez alí observaron que un home estaba tombado boca abaixo no chan, atrapado pola porta dun garaxe (que estaba bloqueada por un ladrillo que ameazaba con partirse).

O home tiña o seu corpo no interior do garaxe, e a cabeza por fóra, de maneira que a persiana lle aprisionaba o pescozo. Cando chegaron os bombeiros, con axuda de dúas calzos de madeira e un gato hidráulico, puideron levantar a persiana e liberar ao home.

Segundo el mesmo relatou, cando a noite anterior pasou por diante do garaxe e viu a porta entreabierta decidiu que pasaría alí a noite. Esa mañá, para saír, levantou a persiana e colocou o ladrillo, pero quedou atrapado á altura do pescozo.